【首爾】韓牛一條街

今次好想同大家介紹下, 係首爾邊度食韓牛最正!

呢條韓牛一條街隱藏於一條屋邨入面, Memore都係以前住過係呢個屋邨入面先至發現到呢條韓牛街。

“馬場畜產物市場”(마장축산물시장)

呢條韓牛街位於馬場洞 (地鐵5號線馬場站)

成條街只賣韓牛, 所以比出面餐廳食韓牛一定會平好多!

係市場入面買完韓牛, 就可以過隔離條烤肉街度燒黎食啦! (燒烤需另外收費)

上圖就係烤肉街既入口 韓文叫"마장동먹자골목"

*作為參考: Memore試過5人去食, 韓牛+燒烤費用只是約十萬韓幣, 大概港幣700元!!!
真係超抵呀!!! 所以非常推薦大家有機會去韓國玩一定要去食!!

另外大家如果去既話要留意返成個市場既休息日為每月第1、三週的星期日。
記住check清楚個日子先好去啦~~

詳細資料:
地址: 首爾特別市城東區馬場路31街40 (馬場洞)

      서울특별시 성동구 마장로31길 40 (마장동)

休息日: 每月第1、三週的星期日

Eat More之 隱藏在觀塘工廈中的正宗韓國美食

觀塘的工業大廈入面收埋左好多美食就係人都知架啦~

但咁多選擇唔知點揀好? 呢度就想介紹一間正宗韓國餐廳比大家! 

山田海韓國料理的老闆兼大廚係韓國人, 所以可以向大家保證 味道是絕對正宗!

這就是山田海韓國料理既大門~

如果唔食燒烤的話 就會帶你到普通檯坐~

入到去職員會先問你燒唔燒烤,

如果食燒烤就會帶你到有燒烤爐既檯坐,

呢度真係你諗到既韓國菜式都有架!

燒肉、炸雞、醬油蟹、韓式拌飯、參雞湯、韓式豬手、泡菜煎餅、炸醬麵、部隊鍋....等等

一叫完野食仲會即刻為你送上一桌前菜添~

而特別想推薦大家試既菜式就係

1.醬油蟹

Memore在韓國都食過醬油蟹, 但覺得太咸..冇飯的話根本食唔到...

食完一次已經覺得夠..
但朋友未試過, 唯有食多次....

不過出乎意料之外, 山田海既醬油蟹雖然唔可以話完全唔咸, 

但佢既咸可以話係岩岩好! 真係好好味~~

建議食法: ;-)

如果你好鐘意食蟹膏, 一定要將白飯倒入蟹蓋, 

再將蟹膏、醬油及白飯混合食用, 保證你會從此愛上醬油蟹!

2.醬油蝦

自從前幾年開始流行醬油蟹之後, 就不斷出現不同既醬油食品

醬油蝦Memore都未食過, 所以都叫左一碟試下 :lol:

山田海既醬油蝦同醬油蟹一樣咸度岩岩好, 唔係太咸, 好味!!

但Memore個人比較鐘意醬油蝦 :-P

3.生牛肉

雖然牛肉係可以生食, 但其實仍然有好多人對食生牛肉都係有少少擔心
其實Memore本生都係唔太信得過生牛肉架,

但有一次係韓國食過之後就發現生牛肉真係人間美食!!!

生牛肉用左豉油同麻油去醃,

食的時候同生雞蛋、雪梨、青瓜混合一齊食, 真係好清新 好好味 :-P

但當然生牛肉都唔可以亂食既, 所以我都一定會揀一間正宗既韓國餐廳先敢食~

係山田海食到的味道真係同係韓國食既味道一樣架!

所以都好想推薦大家試下!

4.燒牛肋骨

呢個燒牛肋骨真係十分十分推薦!!大家一定要試!!!

佢係預先醃左的, 燒完之後都仲有好多肉汁, 而且肉汁真係十分鮮甜~~

而家諗起都好想食><

所以大家如果會去山田海一定要叫呢個牛肋骨試下啦!

雖然大家可能會覺得山田海有點貴,

但山田海的食物份量都唔細架, 而且又真係好正宗既韓國味道

所以Memore認為都十分值得推介比大家 ;-)  

======================

詳細資料:

山田海韓國料理

地址: 觀塘開源道60號駱駝漆三座3樓U室

(港鐵觀塘站 B2 出口, 步行約4分鐘)
======================